Qışın sonunda 39 yaşında dünyasını dəyişən aktrisa Mişel Traxtenberqin rəsmi ölüm səbəbi açıqlanıb.

Sfera.az bildirir ki, Nyu York Şəhər Tibbi Ekspertiza İdarəsi aprelin 16-da "Qeydiyyatçı Qız" ulduzunun qəfil ölümünün şəkərli diabetdən yaranan ağırlaşmaların nəticəsi olduğunu təsdiqləyib.

Nyu-York Baş Tibb Mütəxəssisi Ofisinin sözçüsü:

“Toksikoloji test nəticələrini nəzərdən keçirdikdən sonra yenidən işlənmiş qərar verildi"-deyə bildirib. Mətbuat katibinin sözlərinə görə, toksikoloji ekspertiza yarılmadan da keçirilə bilər.

Bu, Mişel Traxtenberqin Nyu Yorkdakı mənzilində ölü tapılmasından iki ay keçməmiş vaxta təsadüf edir. Tibbi Ekspertiza İdarəsi ertəsi gün məşhurun ailəsinin dini səbəblərə görə yarılmalara qarşı olduğunu bildirib.

Aktrisanın qəfil ölüm xəbərindən sonra mənbələr Mişelin bu yaxınlarda qaraciyər transplantasiyası əməliyyatı keçirdiyini və çox güman ki, ağırlaşmaları olduğunu açıqlayıb. Ayrı bir mənbə, Traxtenberqin həqiqətən emosional olaraq sıxıldığını və son bir il ərzində dostlarına çətin anlar yaşadığını bildirdiyini deyib.

"O, çox, çox xəstə idi və onun üçün nə qədər çətin olduğunu ətrafdakılarla çox açıq danışırdı".

“Mişel solğun, çox arıq idi və sağlamlıq problemləri var idi".

Qeyd edək ki, Mişel Traxtenberq “Gossip Girl” serialındakı Georgina Sparks və “Vampir Slayer Buffi” serialındakı Dawn Summers rolları ilə tanınırdı.

Mişel Traxtenberqin ürəyi dayanıb və qaraciyər transplantasiyası əməliyyatından sonra, fevralın 26-da Nyu-Yorkdakı mənzilində ölü tapılıb. Onun cəmi 39 yaşı var idi.

Xatırladaq ki, Mişel Traxtenberqin ailəsi onun qəfil ölümündən sonra onun cəsədinin yarılmasına icazə verməmişdi. Məşhurun qohumları yarılma mərhələsində istintaqı dayandırıblar. Onlar dini inanclara görə bu proseduru etməkdən imtina ediblər.

Aysel

39 yaşında vəfat edən məşhur aktrisanın ölüm səbəbi məlum oldu - FOTO