Cinsiyyət dəyişdirmə yaşı 18-ə qaldırıldı

Braziliya Tibb Şurası (CFM) yeni qərarla, cinsiyyət uyğunlaşdırma (gender dysphoria) səbəbilə tətbiq edilən hormon müalicəsinin başlanma yaşını 16-dan 18-ə qaldırıb. 

Sfera.az xarici mediaya istinadən xəbər verir ki, beləliklə, 18 yaşdan kiçik şəxslərə bu müalicənin aparılması qadağan edilib.

Yeni qaydalara əsasən, cinsiyyət uyğunsuzluğu yaşayan uşaqlara və yeniyetmələrə pubertal (yeniyetməlik) gecikdirici dərmanların təyini də artıq mümkün olmayacaq. Bundan əlavə, cinsiyyət dəyişdirmə əməliyyatlarının minimum yaş həddi 18-dən 21-ə yüksəldilib.

Hazırda Braziliya parlamentində yetkinlik yaşına çatmayanlara hormon müalicəsi tətbiq edən həkimlərə qarşı həbs cəzası nəzərdə tutan qanun layihələri müzakirə olunur. Qeyd edək ki, parlamentin böyük hissəsi mühafizəkar deputatlardan ibarətdir.

Braziliyanın bu qərarı, İngiltərə Ali Məhkəməsinin “qadın” anlayışını doğumda təyin olunan cinsiyyətə əsasən müəyyənləşdirməsi qərarından və fevral ayında Argentinanın uşaqlarda cinsiyyət dəyişikliklərini qadağan etməsindən sonra gəlib.

Fidan Hacızadə