Meloni-Tramp görüşü olacaq - Bu vacib məsələ müzakirə ediləcək
İtaliya Baş naziri Corcia Meloni ABŞ Prezidenti Donald Trampın Avropa ixracatlarına tətbiq etmək istədiyi 20 faizlik gömrük rüsumlarını müzakirə etmək üçün Vaşinqtona səfər edib. Bu gün baş tutacaq görüşdə əsas müzakirə mövzusu ticarət əlaqələri və yeni gömrük siyasəti olacaq.
Sfera.az xəbər verir ki, Meloni Trampın bu qərarını açıqlamasından və onun müvəqqəti dayandırılmasından sonra ABŞ Prezidenti ilə üzbəüz görüşən ilk Avropa lideri olacaq. Səfər öncəsi Meloninin Avropa Komissiyasının Prezidenti Ursula fon der Leyen ilə də sıx təmasda olduğu bildirilib.
Qeyd edək ki, Meloni yanvar ayında Trampın andiçmə mərasiminə dəvət edilən yeganə Avropa İttifaqı lideri olub və Tramp administrasiyası ilə münasibətləri davam etdirməkdə maraqlı olduğunu göstərir.
Bəsti Rəfizadə
