Ronaldonun nişanlısı yenidən brilyant üzük nümayiş etdirdi - FOTOLAR
Portuqaliyalı futbolçu Kriştiano Ronaldonun nişanlısı 31 yaşlı Georgina Rodrigez nəhəng brilyant qaşlı üzük nümayiş etdirib.
Cütlüyün pərəstişkarları bunun nişan üzüyü olduğunu iddia edirlər.
Sfera.az bildirir ki, Georgina Rodrigez üzüyün şəkilin “İnstaqram” hekayəsində yerləşdirib.
Rodrigezin üzüyü nümayiş etdirməsinə baxmayaraq, cütlük nişanlarını rəsmən açıqlamayıb. Ötən ay 40 yaşlı Ronaldo evlənməmələrinin səbəbini paylaşmışdı.
Georgina barmağındakı düzbucaqlı şəffaf daş və brilyantlarla bəzədilmiş saat şəklinə ərəb dilində “Bizi şərdən qoru, amin” sözləri yazıb. Bu halda Georgina Səudiyyə Ərəbistanında onun və ailəsinin ətrafında artan təhlükəsizliyi nəzərdə tuta bilər.
Qeyd edək ki, cütlük 2016-cı ildən münasibətdədir və iki qızı var: yeddi yaşlı Alana və iki yaşlı Bella. Georgina digər üç övladına da ögey anadır.
Rodrigez “I Am Georgina” realiti şousunda dostlarının ona nə vaxt evlənəcəyi ilə bağlı sataşdıqlarını açıqlayıb.
“Həmişə toyla zarafatlaşırlar, toy nə vaxtdı? Cennifer Lopezin "The Ring Or When" mahnısı çıxandan bəri onu mənə oxumağa başladılar.
Evli olmamalarına baxmayaraq, Ronaldo tez-tez Rodrigezi "həyat yoldaşı" adlandırır. Dekabr ayında Dubayda keçirilən “2024 Globe Soccer Awards” mərasimində Ronaldo:
"Bu kuboku qazanmaq çox xoşdur. Böyük oğlum, həyat yoldaşım (Georgina) buradadır" - deyə bildirib.
Avqustun sonunda “YouTube” kanalında da ona eyni adla səslənib.
Ronaldo "Əl Nəsr"də oynadığı üçün cütlük hazırda Ər-Riyadda yaşayır.
Malayziyanın NST nəşri bu yaxınlarda bildirib ki, cütlük yeni baş mühafizəçi tutduqlarını və təhlükəsizlik komandalarının əvvəlki üzvlərini təhlükəsizliklərinə görə işdən çıxarıblar. Sosial mediada təhdidlərin artması polisin müdaxiləsinə səbəb olub və Ronaldonun ailəsi üçün müdafiəsini gücləndirməsinin əsas səbəbi olduğu güman edilir.
Aynil
