Pakistanda bombalı hücum: 3 polis ölüb, 19-u yaralanıb

Pakistanın cənub-qərbində yerləşən Bəlucistan əyalətində bombalı hücum baş verib.

Sfera.az xəbər verir ki, bu barədə Bəlucistan hökumətinin sözçüsü Şahid Rind məlumat yayıb.

Bildirib ki, əyalətin Məstuk rayonunda baç verən hücum nəticəsində 3 polis əməkdaşı ölüb, 19 nəfər yaralanıb.

Pakistanın baş naziri Şahbaz Şərif hücumu pisləyib və terrorla mübarizəni davam etdirəcəklərini vurğulayıb. Milli mediada hücumun Bəlucistan Azadlıq Ordusu (BLA) tərəfindən həyata keçirilə biləcəyi iddia edilib.

Qeyd edilib ki, silahlı şəxslər Hayber Paxtunxva əyalətinin Dera İslamil Xan bölgəsində iki poliomielit mütəxəssisini oğurlayıblar.