Tramp Bayden dövründə yaradılan proqramı ləğv etdi
ABŞ Kənd Təsərrüfatı Nazirliyi keçmiş prezident Cozef Bayden dövründə başladılan və iqlim dəyişikliyi ilə mübarizəyə yönəlmiş kənd təsərrüfatı proqramının ləğv edildiyini açıqlayıb.
Sfera.az xarici mediaya istinadən xəbər verir ki, nazirliyin yaydığı bəyanatda təxminən 3 milyard dollarlıq büdcəyə malik proqramın maliyyələşdirdiyi layihələrin əksəriyyətinin “çox baha başa gəldiyi” və bu vəsaitlərin yarısından azının fermerlərə çatdığı bildirilir.
Kənd Təsərrüfatı katibi Brooke Rollins proqramı tənqid edərək, onun fermerlər üçün deyil, Bayden administrasiyasının siyasətinə dəstək məqsədilə hazırlandığını iddia edib.
Qeyd edək ki, ləğv olunan proqram eroziyanın qarşısını alan bitkilərin əkilməsi və kənd təsərrüfatı fəaliyyətinin ətraf mühitə təsirini azaltmaq üçün bitki qidalarının idarə olunması kimi layihələri dəstəkləyirdi. Bayden administrasiyası proqramın 60 mindən çox fermeri əhatə edəcəyini və 60 milyon metrik ton istixana qazı emissiyasının azaldılacağını proqnozlaşdırmışdı.
Xatırladaq ki, ABŞ Prezidenti Donald Tramp vəzifəsinin ilk günündə ABŞ-nin Bayden dövründə yenidən qoşulduğu Paris İqlim Sazişindən çıxmaq barədə sərəncam imzalayıb.
Fidan Hacızadə
