Qadınlardan ibarət heyət kosmosa uçacaq - FOTO

ABŞ-li məşhur pop ulduzu Kati Perri tamamilə qadınlardan ibarət bir heyətlə birlikdə kosmosa səyahət edəcək. Uçuş, "Blue Origin" şirkətinin “New Shepard” adlı kosmik vasitəsi ilə həyata keçiriləcək.

Sfera.az xarici mediaya istinadən xəbər verir ki, Perriyə bu uçuşda şirkətin təsisçisi Ceff Bezosun nişanlısı Loren Sançes də daxil olmaqla beş qadın müşayiət edəcək.

Uçuşun bu gün Texasdan, yerli saatla 15:30 radələrində baş tutması planlaşdırılır.

Bu missiya, 1963-cü ildə sovet kosmonavtı Valentina Tereşkovanın tarixi səyahətindən sonra, tamamilə qadınlardan ibarət ilk kosmik heyət olacaq.

Avtomatik idarə olunan raket, şaquli şəkildə havaya qalxdıqdan sonra kapsul gövdədən ayrılacaq və paraşütlərlə yerə qayıdacaq.

Təxminən 10 dəqiqə davam edəcək uçuş zamanı heyət üzvləri, kosmosun beynəlxalq sərhədi hesab edilən Karman Xəttini keçəcək və qısa müddətlik çəkisizlik mühitində sərbəst hərəkət edə biləcəklər.

Bəsti Rəfizadə