Ginnesin Rekordlar Kitabının rəsmi saytı həm təəccüb, həm də heyranlıq doğuran kateqoriyada yeni dünya nailiyyətinin qeydə alındığını elan edib.

Sfera.az bildirir ki, ABŞ-dan olan Mari Pearl Zellmer Robinson, çənələrini 7,59 santimetrə qədər aça bilən planetin ən böyük ağzına malik qadın nümayəndəsi kimi tanınır.

Mari Pearl Zellmer Robinson əvvəlki rekordçunu təxminən bir santimetr qabaqlayaraq "dünyanın ən böyük ağızlı qadını" olub. Amerikalı qadını bütün həyatı boyu müşayiət edən unikal fizioloji xüsusiyyət nəhayət, onu dünya miqyasında tanınıb. Amerikalı qadın uşaqlıqdan ağzının başqalarından fərqli olduğunu bilib - çənələrini açanda yuxarı və aşağı diş sıraları arasında böyük boşluq olub.

Berdiyi eksklüziv müsahibədə Mari:

"Mən həmişə ağzımın orta səviyyədən çox böyük olduğunun fərqində olmuşam. Mən hədsiz danışan bir insanam, ona görə də bunun sadəcə bir metafora olduğunu düşünə bilərsiniz, amma mənim vəziyyətimdə ağzım fiziki olaraq böyükdür" - deyə bildirib.

Tez-tez qardaş və bacılarını əyləndirirdi

Yeddi uşaqdan biri olan rekordçu inanılmaz qabiliyyətlərini nümayiş etdirərək tez-tez bacı-qardaşlarını necə əyləndirdiyini xatırlayır. O, ağzına bütün portağalları və ya hətta işıq lampalarını asanlıqla yerləşdirə bilirdi.

Marinin etirafı yerli stomatoloqların hərtərəfli müayinəsindən sonra gəlib. Mütəxəssislər Ginnesin Rekordlar Kitabına onun unikallığına dair təkzibolunmaz sübutlar təqdim ediblər. 7,59 sm nəticə ilə Robinson 6,52 sm nəticə göstərən rəqibi Samanta Ramsdeli xeyli geridə qoyub.

"Mən heç vaxt breket taxmamışam və ya ağzımı süni şəkildə böyüdə biləcək hər hansı bir diş proseduru etməmişəm" - deyə titul sahibi bildirib.

Nailiyyətləri ilə qürur duymasına baxmayaraq, Mari xüsusi xüsusiyyətini hər kəsə göstərmədiyini etiraf edir: "Ağzımı tamamilə açanda insanlar tez-tez qorxurlar. Bu, əslində bir az ürpədici görünə bilər”– deyə o gülür.

Eyni zamanda, yeni rekordçu rəsmi şəkildə tanınmasından ürəkdən sevinir.

"İndi mən qürurla Ginnesin Rekordlar Kitabı sahiblərinin fəxri klubuna qoşula bilərəm. Onlardan şəhərimizdə kifayət qədər çox var. Rəsmi titula sahib olmaq sözlə ifadə edilməso çətin olan özəl hissdir".

Aynil

Dünyanın ən böyük ağzına sahib qadın bacardığı möcüzələri göstərdi - FOTOLAR