Hollivud üçün mənfi milyonlar: Çin Amerika filmlərini qadağan etmək istəyir
ABŞ prezidenti Donald Trampın ticarət müharibəsi ABŞ film istehsalına təsir edəcək. Belə ki, Prezident Donald Trampın Pekinə əlavə gömrük rüsumları tətbiq etmək təhdidlərini artırmasından sonra Çin heç vaxt ABŞ-dan “şantajı” qəbul etməyəcəyini bildirərək Hollivud filmlərinə qadağa qoymağı planlaşdırır.
Sfera.az bildirir ki, Hollivud filmlərinin Çinə buraxılmasının qadağan edilməsinin yarım milyard dollara başa gələcəyi gözlənilir.
Ötən il Amerika filmləri Çində 585 milyon dollar gəlir əldə edib ki, bu da Çinin 17,71 milyard dollarlıq kassasının təxminən 3,5 %-ni təşkil edib və istənilən xarici filmin ən böyük paylarından birini təşkil edib.
"Yura dövrünün dünyası 2" filminin treyleri
Amerika filmlərinə qoyulan qadağa Jurassic World 2, The Payback 2 və Mission: Impossible davamı kimi qarşıdan gələn buraxılışların Çin bazarında yüz milyonlarla dollar itirməsinə səbəb ola bilər.
"ABŞ-ın təhdidləri səhv ardınca səhv idi və bir daha ABŞ-ın şantaj xarakterini nümayiş etdirdi" - deyə Çin Ticarət Nazirliyi bu səhər verdiyi açıqlamada bildirib. Nazirlik ABŞ-ı Çinlə fikir ayrılıqlarını qarşılıqlı hörmət və bərabər şərtlər əsasında dialoq yolu ilə düzgün şəkildə həll etməyə çağırıb.
"Tarif müharibələrində qalib yoxdur və proteksionizm çıxış yolu deyil. Çinlilər problem yaratmır, lakin onlardan da qorxmurlar. Təzyiq, təhdid və şantaj Çinlə mübarizənin yanlış yoludur - deyə XİN sözçüsü Lin Jian bildirib.
Tramp Çin mallarına əlavə 50 % rüsum tətbiq etmək planına sadiq qalarsa, Çin ABŞ mallarına cavab rüsumlarını qaldırmasa, ABŞ-ın Çin mallarına tətbiq etdiyi yeni tariflər çərşənbə gününə qədər 104 %-ə yüksələ bilər.
Qeyd edək ki, bu ilin əvvəlində tətbiq edilən 20%-lik tariflərə əlavə olaraq, Trampın elan etdiyi 34 %-lik "qisas" tarifləri Çin mallarına orta tarifi 76 %-ə çatdırıb.
“Economist Intelligence Unit”in baş Çin iqtisadçısı Xu Tianchen deyir:
"Tariflər qalxmağa davam edərsə, bu, iqtisadiyyatdan çox iradə və prinsiplər döyüşünə çevriləcək. Çin artıq 60 %-dən yuxarı tarif dərəcəsi ilə üzləşdiyi üçün onun 50 % və ya 500 % artmasının fərqi yoxdur".
Aysel
