Tramp hiddətləndi: "Şirkətlərinizi ABŞ-yə köçürün"
Çinin ABŞ-dən idxal olunan mallara tətbiq olunan əlavə gömrük rüsumlarını 84 faizə qədər artırması ABŞ Prezidenti Donald Trampın sərt reaksiyasına səbəb olub.
Sfera.az xarici mediaya istinadən xəbər verir ki, Tramp sosial media platforması “Truth Social” üzərindən paylaşım edərək, xüsusilə "Apple" olmaqla bir çox şirkətə çağırış edib.
“Şirkətinizi Amerika Birləşmiş Ştatlarına köçürmək üçün möhtəşəm bir vaxtdır! "Apple" kimi bir çox şirkət bunu rekord sayda edir. Sıfır gömrük rüsumu, demək olar ki, dərhal elektrik və enerji bağlantısı, həmçinin sürətli təsdiqlər mövcuddur. Ekoloji gecikmələr yoxdur. Gözləməyin, dərhal hərəkətə keçin!”, -Tramp bildirib.
Trampın bu çağırışı Çinlə iqtisadi münasibətlərdəki gərginliyin daha da artacağına işarə edir.
Fidan Hacızadə
