HƏMAS İsrailə hücum etdi - Gərginlik yenidən artır

İsrailin Qəzzadə atəşkəsi pozmasından sonra HƏMAS son dövrlərin ən böyük hücumunu həyata keçirib. İsrail Müdafiə Qüvvələri (IDF) Qəzza mərkəzindəki Deir al-Balah bölgəsindən İsrailin Aşkelon və Aşdod şəhərlərinə doğru 10 raket atıldığını açıqlayıb. 

Sfera.az "Hürriyet"ə istinadən xəbər verir ki, raketlərin 5-i hava müdafiə sistemləri tərəfindən vurulsa da, Aşkelon şəhərinə düşən raketdən yayılan qəlpələr nəticəsində bir nəfər yaralanıb.

Eyni zamanda, bölgədəki bəzi sakinlər sığınacaqlara qaçarkən təşvişə düşərək yüngül xəsarətlər alıblar.

HƏMAS-ın hərbi qolu olan "Əl-Qəssam" Briqadaları hücumu üzərinə götürərək, bu hərəkəti İsrailin hücumuna cavab olduğunu bildirib.

Bəsti Rəfizadə