“Sualınız çox ağılsızcadır” - Tramp jurnalisti danladı

ABŞ Prezidenti Donald Tramp, Floridadan Vaşinqtona səfər zamanı "Air Force One" təyyarəsində jurnalistlərə açıqlamalar verib. Tramp tətbiq etdiyi gömrük vergisi qərarları ilə bağlı verdiyi bəyanatlarda, bazarlarda tariflər səbəbindən yaranan enişi “dərman” kimi qiymətləndirib.

Sfera.az xarici mediaya istinadən xəbər verir ki, bir jurnalistin “Bazarlarda, bir nöqtədən sonra dözə bilməyəcəyiniz bir ağrı varmı?” sualına Tramp sərt cavab verib.

“Düşünürəm ki, sualınız çox ağılsızcadır. Heç bir şeyin pisə getməsini istəmirəm, amma bəzən bir şeyi düzəltmək üçün dərman qəbul etməlisiniz”, - deyə bildirib.

Tramp ABŞ-nin ticarət kəsirinin trilyon dolları keçdiyini vurğulayıb və bu problemin həll olunmadığı təqdirdə heç bir müqavilə imzalamayacağını bildirib.

“Hər il Çinlə yüz milyardlarla dollar itiririk və bu problemi həll etmədən heç bir anlaşma etməyəcəyəm”, - deyən Tramp Çinlə olan ticarət kəsri məsələsini həll etmək üçün razılığa gəlməyə hazır olduğunu bildirib.

Bəsti Rəfizadə