Gənc oğlan valideynlərinin 2,8 milyon dollar borcunu necə ödədi?
Hubey əyalətinin Vuhan şəhərindəki Çin xəttatlıq studiyasının sahibi Chen Zhao (Çen Zao), yeddi il ərzində valideynlərinin 20 milyon yuan (və ya təxminən 2,8 milyon ABŞ dolları) borcunu ödəmək üçün bacarıqlarından istifadə edib.
Sfera.az bildirir ki, Çen Zhao bu ənənəvi sənəti öyrənməyə 5 yaşından başlayıb, lakin valideynləri ona xəttatlıqla dolana bilməyəcəyini deyiblər.
Gənc peşə seçərkən valideynləri onun biznes təhsili alacağına ümid edirdilər, lakin Çen Hubei Gözəl Sənətlər İnstitutuna xəttatlıq ixtisası üzrə daxil olub. Bu da ailədə mübahisəyə səbəb olub.
Valideynləri tərəfindən qurulan geyim fabrikində işləmək əvəzinə, 2016-cı ildə universiteti bitirdikdən sonra yeni peşəkar xəttatlıq tədrisi studiyası açıb.
Çenin institutu açıldıqdan iki ay sonra ilk tələbəsini qəbul edib. Lakin o, solaxay olduğu üçün müəllimi üçün böyük problemə çevrilib. Tələbə çox səy göstərdikdən sonra “əl yazısı”nın şah əsərini yaratmağa müvəffəq olub, bundan sonra studiyanın işi yaxşılaşmağa başladı.
2017-ci ildə ailəsinin fabriki zəif idarəçilik ucbatından bağlanıb və valideynləri ümumilikdə 20 milyon yuan borc içində qalıb.
Valideynlərinə dəstək olmaq üçün Çen diqqətini xəttatlıq biznesinə yönəldib, studiyasının ərazisini genişləndirib, yeddi müəllim işə götürüb, təhsil haqlarını artırıb və 300-dən çox tələbə qəbul edib.
O, hər gün səhər saat 8-dən axşam 9-a kimi dərs deyir, günorta bir saatlıq fasilə verir.
Ötən ilin sentyabrına qədər Çen valideynlərinin bütün borclarını ödəmişdi. İndi atası və anası sənətin həqiqətən pul qazandırdığını başa düşərək xəttatlıq biznesini dəstəkləyir.
Aynil
