Krivoy Roqa hücumun nəticələri açıqlandı: 19 ölü, 69 yaralı

Rusiyanın Ukraynanın Dnipropetrovsk vilayətinə bağlı Krivoy Roq şəhərinə ballistik raketlərlə endirdiyi hücumun fəsadları ağırlaşıb.

Sfera.az xarici mediaya istinadən xəbər verir ki, Ukrayna Prezidenti Volodimir Zelenski sosial şəbəkə hesabında verdiyi açıqlamada, doğma şəhərinə edilən hücum nəticəsində ölənlərin sayının 18-ə, yaralıların isə 62-yə yüksəldiyini bildirib. Onun sözlərinə görə, ölənlərdən 9-u, yaralılardan isə 12-si uşaqdır.

Zelenski həmçinin qeyd edib ki, raket hücumundan sonra axtarış-xilasetmə əməliyyatı zamanı Rusiya Krivoy Roq şəhərini ikinci dəfə vurub. Bu dəfə dronla həyata keçirilən hücum nəticəsində 1 nəfər həlak olub, 7 nəfər isə yaralanıb.

Beləliklə, Krivoy Roq şəhərinə edilən hücumlarda ümumi can itkisi 19-a, yaralı sayı isə 69-a çatıb.

Fidan Hacızadə