Yeməkdən kərtənkələ çıxdı - 65 şagird zəhərləndi

Hindistanın “Çhattisqarh” əyalətində yerləşən “Gacadharpur Turripani” ibtidai məktəbində nahar yeməyi zamanı şagirdlər zəhərlənib. 

Sfera.az xarici mediaya istinadən xəbər verir ki, nahar vaxtı bir şagird boşqabında ölü kərtənkələ aşkar edib. Hadisədən dərhal sonra məktəb rəhbərliyi bütün şagirdlərə yeməyi dayandırmağı tapşırıb.

İlkin məlumata əsasən, yeməkdən dadan 65 şagirddə ürəkbulanma, qarın ağrısı və qusma əlamətləri qeydə alınıb. Zəhərlənən şagirdlərin hamısı “Balrampur-Ramanujganj” bölgəsindəki xəstəxanaya yerləşdirilib. Onlardan bir neçəsinin vəziyyəti stabilləşib və artıq evə buraxılıb.

Hadisə ilə bağlı araşdırma başladılıb. Rəsmilər ölü kərtənkələnin məktəb yeməyinə necə düşdüyünü müəyyən etməyə çalışırlar. Hazırda məktəbdə qida təhlükəsizliyi ilə bağlı yoxlamalar aparılır.

Fidan Hacızadə