İsrail Qəzza zolağında quru əməliyyatlarını genişləndirdi

İsrail Müdafiə Ordusu Qəzza zolağının şimal və cənubunda quru əməliyyatlarını genişləndirib.

Sfera.az xəbər verir ki, bu barədə “Walla” xəbər portalı məlumat yayıb.

“İsrail ordusu aprelin 5-i gecə saatlarında Qəzza zolağının şimal və cənubunda quru əməliyyatlarını genişləndirib. Beyt-Hanun, Beyt-Lahiya, Rəfah və "Moraq" yolunda əlavə rayonları nəzarətə götürüb”, - məlumatda qeyd edilib.

Bildirilib ki, bütün gecəboyu İsrail Hərbi Hava Qüvvələri və artilleriya batareyaları terrorçuların hədəflərinə zərbələr endirmək və quru qüvvələrini dəstəkləmək üçün fəaliyyət göstərib.

Qeyd edək ki, "Moraq" oxu Rəfah və Xan-Yunis şəhərləri arasında uzanır və 2005-ci ildə İsrailin birtərəfli ayrılma planı çərçivəsində sökülən “Moraq” yəhudi məskəninin adını daşıyır. Bu xətt təxminən 15 kilometr uzunluğunda olan və Misirlə Qəzza arasındakı “Filadelfiya dəhlizi”nə paralel yerləşir.