Çin bu məhsulların ixracına qadağa qoydu
Çin Ticarət Nazirliyi 4 aprel 2025-dən etibarən samarium, gadolinium, terbium, disprosium, lütesyum, skandium, itrium və onların alaşımlarını ixrac nəzarət siyahısına daxil edəcək.
Sfera.az xarici mediaya istinadən xəbər verir ki, bu elementlər yalnız hökumət icazəsi ilə ixrac ediləcək, gömrük əməkdaşları isə şübhəli yükləri müsadirə edə biləcəklər.
Sözügedən nadir torpaq elementləri silah sistemləri, nüvə reaktorları, yüksək texnologiyalı cihazlar, kosmik və tibbi avadanlıqlarda geniş istifadə olunur. Çin bu elementlərin qlobal istehsalının təxminən 90%-ni qarşılayır və bu qərarla mövqeyini iqtisadi üstünlüyə çevirmək niyyətini göstərir.
Qeyd edək ki, Çin daha əvvəl ABŞ-nin çip məhdudiyyətlərinə cavab olaraq qalium, germanyum, antimuan və qrafitin ixracına da məhdudiyyət tətbiq etmişdi.
Fidan Hacızadə
