Okean üzərində təyyarənin təcili çıxış qapısını açdı - TƏFƏRRÜAT
Balidən Melburna gedən 200-dən çox sərnişini daşıyan təyyarə bir sərnişin Hind okeanının ortasında təcili çıxışı açmağa cəhd etdikdən sonra geri dönmək məcburiyyətində qalıb. Qalmaqala səbəb olan şəxs polis tərəfindən saxlanılıb. Bu barədə hadisənin baş verdiyi “Jetstar” aviaşirkəti açıqlama verib.
Sfera.az xəbər verir ki, sərnişinlərdən birinin ekipaj üzvlərini təhqir edərək nalayiq davrandığı bildirilir.
"Dünən gecə təyyarəmiz problemli sərnişinin təyyarənin qapılarından birini açmağa cəhd göstərməsi və ekipajımıza qarşı kobud davranması səbəbindən Bali adasının Denpasar hava limanına qayıdıb. Qanun pozuntusunu törədən şəxs Bali hüquq-mühafizə orqanlarının nümayəndələri tərəfindən təyyarədən çıxarılıb. Hal-hazırda polis idarəsindədir”.
Sosial şəbəkələrdə yayılan videoya görə, kapitanın səsgücləndiricilər vasitəsilə elan etdiyi xəbərdarlıq siqnalı səslənməmişdən əvvəl təyyarənin arxasında olan turist qapının dəstəyini qaldıra bilib.
Uçuş izləmə saytından əldə edilən məlumatlar təyyarənin uçuşa təxminən bir saat qalmış Hind okeanı üzərindən döndüyünü göstərir.
Sərnişin təcili çıxışı açmağa çalışdıqdan sonra sərnişin təyyarəsi Hind okeanı üzərində dönüb.
Aviaşirkət uçuşda olan sərnişinlərin və ekipaj üzvlərinin dəqiq sayını açıqlamayıb.
"Müştərilərimizin və ekipajımızın təhlükəsizliyi və rifahı bizim prioritetimizdir və vəziyyətə reaksiya göstərdikləri üçün onlara təşəkkür edirik. Bizim uçuşlarımızda bu cür yolverilməz halların qarşısı alınacaqdır”- deyə aviaşirkətin açıqlamasında bildirilir.
Aysel
