Husilər ABŞ-nin iki PUA-sını vurub - Qırmızı dənizdə gərginlik artır
Yəməndəki Husi qüvvələri Qırmızı dənizdə ABŞ-yə aid "Truman" təyyarə gəmisi ilə vuruşduqlarını açıqlayıb. Husilərin Hərbi sözcüsü Yahya Seri, toqquşmalarda çox sayda qanadlı raket və PUA istifadə edildiyini və əməliyyatların məqsədinə çatdığını bildirib.
Sfera.az "Hürriyet"ə istinadən xəbər verir ki, ABŞ Yəməndə son bir neçə saat ərzində Sana, Sada və digər bölgələrə ən az 36 hava hücumu həyata keçirib. Bu hücumlar nəticəsində çox sayda insan ölüb və yaralanıb.
ABŞ-nin hücumlarına cavab olaraq Husilər, Qırmızı dənizin şimalında ABŞ-nin təyyarə daşıyan gəmisinı hücum ediblər.
Bundan əlavə, Husilər Yəmənin qərbindəki Hudeydə şəhəri üzərində ABŞ-yə aid "MQ-9" model PUA-nı yerli istehsal olan raketlə vurduqlarını açıqlayıb. Bu, son 72 saatda vurulan ikinci "MQ-9" PUA-sıdır.
Qeyd edək ki, ABŞ Prezidenti Donald Trump martda verdiyi açıqlamada, Yəməndəki Husilərə qarşı böyük bir hücum başlatmağı əmr etdiyini söyləmişdi. Buna cavab olaraq Husilərin lideri Abdulmelik el-Husi ABŞ-yə aid təyyarə və müharibə gəmilərinin hədəfi olacağını vurğulamışdı.
Bəsti Rəfizadə
