Körpələrdən biri ABŞ-da surroqat ana ilə, digəri isə gözlənilməz və təbii hamiləlikdən sonra dünyaya gəlib.

Bu qeyri-adi hekayə itki ilə başlayıb. 2022-ci ilin mart ayında Zola adlı körpə vaxtından əvvəl doğulub və doğuşdan cəmi 5 saat sonra bakterial infeksiya səbəbindən ölüb. Bu, əvvəllər də bir çox uğursuz IVF (süni-mayalanma) cəhdləri və körpəsini itirmiş valideynlər üçün dərin şəxsi faciə olub.

Sfera.az bildirir ki, Böyük Britaniyada evli cütlük Keyt və Rohan, hər iki uşağın genetik əkiz olmasına baxmayaraq, dörd ay fərqlə dünyaya gələn bir oğlan və qızın valideynləri olublar.

Körpələrdən biri surroqat ana ilə, digəri isə gözlənilməz hamiləlikdən sonra dünyaya gəlib.

Belə ki, Zolanı itirdikdən sonra cütlük çətin, lakin şüurlu bir qərar verib: onsuz da çətin hamiləliklər və əməliyyatlar keçirən ananın sağlamlığını riskə atmamaq, ABŞ-da surroqat anadan istifadə etmək. Bu sahədə hüquq sistemi daha inkişaf etmiş bir ölkədə onlar Los-Ancelesdə əvvəllər embrionlarının dondurulduğu agentlik tapmağa nail olublar.

Bir illik axtarışdan sonra Missisipidən olan surroqat ana - 34 yaşlı Ava ilə tanış oldular. Ürəyi açıq, imanı dərin olan qadın cütlüyün hekayəsini oxuduqdan sonra dərhal kömək etmək istəyib. Surroqat analıq prosesinin başlandığı anda gözlənilməz bir şey baş verib: qadın təbii yolla hamilə qalıb.

Tibbi risklər yüksək olub və ailə hər iki yola davam edib. Nəticədə, iyul ayında "əkizlərdən" birincisi - bir oğlan doğulub və dörd ay sonra ABŞ-da Ava bir qız dünyaya gətirib. Surroqat analıq praktikasında belə bir hal qeyri-rəsmi “Kaliforniya əkizləri” adını almışdır.

Hər iki hamiləlik yaxşı keçib. Cütlük prosesdə fəal iştirak ediblər - video əlaqə vasitəsilə ultrasəsə baxılıb, ABŞ-a səfər edilib və qız doğulduqdan sonra hətta doğum otağında da birlikdə olublar. Surroqat ana, söz verdiyi kimi, onları ruhdan salmayıb: yeni doğulan qız dərhal başlayan laktasiya sayəsində onu əmizdirə bilən bioloji anaya təhvil verilib.

Ailə Missisipidə bir neçə həftə keçirərək Ava və onun qohumları ilə birlikdə Şükranlıq Gününü qeyd edib. Yola düşməzdən əvvəl onlara üzərində:

"Bizim ailələrimiz bütün dünyada əbədi olaraq bağlıdır. Siz bizi bir etdiniz" - yazılmış simvolik qlobus verilib.

İndi evə qayıdan cütlük sevgi və qayğı ilə əhatə olunmuş iki körpə böyüdür. Valideynlər etiraf edirlər ki, yuxusuz gecələrə və çətinliklərə baxmayaraq, heç vaxt özlərini belə xoşbəxt hiss etməyiblər.

Aynil

Qeyri-adi doğuş: 4 aylıq fərqlə doğulan əkizlər - FOTOLAR