Almaniya ordunu gücləndərdi - "Təhlükə ilə üz-üzəyik"
Avropada artan geosiyasi gərginlik fonunda Almaniya ordusunu gücləndirmək üçün ciddi addımlar atır.
Sfera.az Türkiyə mediasına istinadən xəbər verir ki, Almaniya Silahlı Qüvvələrinin Baş Qərargah rəisi Karsten Breuer bildirib ki, Rusiyanın təhdidləri qarşısında hərbi hazırlıq sürətləndirilməlidir.
Breuer “ BBC” yə verdiyi müsahibədə vurğulayıb ki, Putin tərəfindən təhdid olunurlar:“Bunun qarşısını almaq üçün lazım olan hər şeyi etməliyik”.
O, həmçinin məcburi hərbi xidmətə qayıdışın vacibliyini qeyd edib və NATO-nun dörd il ərzində mümkün hücuma hazır olmalı olduğunu bildirib.
Almaniya 500 milyard avroluq Müdafiə və İnfrastruktur Fondu təsdiqləyib və bu çərçivədə 67 milyard avro ordunun gücləndirilməsinə ayrılıb. Yeni hərbi strategiya çərçivəsində yeni nəsil döyüş təyyarələri, tanklar və kibertəhlükəsizlik sistemlərinə investisiya qoyulacaq.
General Breuer Rusiyanın hibrid müharibə metodlarına kiberhücumlara, diversiya fəaliyyətlərinə və pilotsuz uçuş aparatlarının istifadəsinə diqqət çəkərək, “həqiqi təhlükə ilə üz-üzəyik” deyib.
Bundan əlavə, Almaniya ordusunda çatışmazlığı aradan qaldırmaq üçün əlavə 100 min əsgərə ehtiyac olduğunu bildirən Breuer, məcburi hərbi xidmətin bərpasının labüd olduğunu vurğulayıb.
Fidan Hacızadə
