İsrail ordusu Beyrutun cənubuna hücum edib: Ölən və yaralananlar var
İsrail ordusu Beyrutun cənubuna hücum edib.
Sfera.az bildirir ki, Livan rəsmiləri İsrail təyyarələrinin aprelin 1-nə keçən gecə Beyrutun cənubunu vurduğu barədə məlumat yayıb. Məlumata görə, 3 nəfər ölüb, 7 nəfər yaralanıb.
İsrail ordusuna məxsus təyyarələr binalardan birinə iki raket atıb. İsrail ordusunun sözçüsü Avichai Adrai “X” sosial media saytında zərbənin endirilməsini təsdiqləyib. Onun sözlərinə görə, zərbənin hədəfi “HƏMAS”lı yoldaşlarına İsraildə terror hücumları hazırlamağa kömək edən “Hizbullah” terrorçusu olub.
Livan hakimiyyəti İsrailin hava hücumunu pisləyib və bunu ölkə üçün təhlükəli xəbərdarlıq adlandırıb. Livan prezidenti Cozef Aun deyib ki, İsrailin təcavüzü diplomatik əlaqələrin gücləndirilməsini və müttəfiqlərin səfərbər edilməsini tələb edir.
Livanın baş naziri Navaf Salam deyib ki, İsrail ordusunun zərbəsi BMT-nin 1701 saylı qətnaməsi və atəşkəs razılaşmasının kobud şəkildə pozulmasıdır.
“The Times of Israel” qəzeti qeyd edir ki, İDF martın 27-də Beyrutun cənubundakı Dahieh şəhərciyində “Hizbullah”ın qalasına zərbələr endirib. “Hizbullah” hücuma görə məsuliyyəti rədd edir.
Aysel
