Ana oğlunu 20 ildir evə həbs edibmiş, oğlan isə... - FOTO
ABŞ-nin Konnektikut ştatının Uoterberi şəhərində dəhşətli hadisə baş verib.
Sfera.az “Milliyet” nəşrinə istinadən xəbər verir ki, 56 yaşlı Kimberli Sallivan adlı qadının ögey oğlunu 20 il boyunca kiçik bir otaqda saxladığı məlum olub. Bu durum evdə baş verən yanğından sonra aşkarlanıb. Yanğınsöndürənlər və polis əraziyə gəldikdən sonra 31 yaşlı kişi başına gələnləri danışıb. O, nə istilik, nə soyutma sistemi olan otaqda məhdud miqdarda yemək və su ilə saxlanıldığını bildirib. Bundan başqa, tualetə çıxışının olmadığını, dişlərinin qırıldığını və saçlarını iki kiçik su şüşəsinin köməyi ilə kəsdiyini deyib.
Ögey oğul uzun illər işgəncələrə dözsə də, nəhayət, fevralın 17-də xilas olmaq üçün evi qəsdən yandırıb. Hadisə yerində aparılan araşdırmalar zamanı evin bəzi divarlarının yandığı, otaq qapısının kontrplakla möhkəmləndirildiyi və ətrafda dağıntılar olduğu müəyyən edilib.
Hadisə ilə bağlı Kimberli Sallivan adam oğurluğu, işgəncə və zorakılıqda ittiham edilərək həbs edilib. Lakin o, 300 min dollar ödədikdən sonra sərbəst buraxılıb. Hazırda araşdırmalar davam edir.
Fidan Hacızadə
