"Rusiya Avropa üçün daim təhlükədir" - Alman kəşfiyyatı
Almaniya kəşfiyyatı və ordusu Rusiyanın NATO ölkələrindən birinə hücum edə biləcəyini iddia edib. İddiaya görə, Rusiyanın imperialist hədəflərini revizionist planlarla bəzəməsi Avropa sülhü üçün böyük təhlükə yaradır.
Sfera.az “Haber7”yə istinadən xəbər verir ki, Qərbi Almaniya Radio və Televiziya Qurumu, həmçinin Şimali Almaniya Radio və Televiziya Qurumunun "Süddeutsche Zeitung" qəzeti ilə birgə hazırladığı xəbərdə Almaniya Xarici Kəşfiyyat Xidməti və Almaniya Silahlı Qüvvələrinin mövcud hərbi vəziyyətlə bağlı analizi yayımlanıb.
Analizdə Rusiyanın Avropa sülhü üçün daimi bir təhlükə olduğu və bir NATO ölkəsinə hücum edə biləcəyi iddia edilib.
Rusiyanın özünü Qərblə sistematik qarşıdurma içində gördüyü vurğulanan analizdə, Kremlin imperialist məqsədlərini hərbi güc vasitəsilə həyata keçirməyə hazır olduğu iddia olunub.
Hesabatda Rusiyanın silahlı qüvvələrinin bir müddətdir Ukraynada güclü mövqedə olduğu, kompromisə meylli olmadığı və müharibəni davam etdirmək niyyətində olduğu bildirilib.
Bəsti Rəfizadə
