Otaq yoldaşını öldürdü: Meyitini 27 hissəyə ayırdı

İngiltərənin Mançester şəhərində yaşayan 42 yaşlı Marcin Majerkieviç, 67 yaşlı ev yoldaşı Stuart Everetti öldürərək meyitini 27 hissəyə ayırıb. Məhkəmə onu 34 il ağırlaşdırılmış ömürlük həbs cəzasına məhkum edib.

Sfera.az Türkiyə mediasına istinadən xəbər verir ki, İngiltərədə yaşayan Polşa əsilli Marcin Majerkieviç, ev yoldaşının başına çəkiclə zərbələr endirərək onu qətlə yetirib. Daha sonra Everett-in cəsədini 27 hissəyə ayırıb və plastik torbalara yerləşdirərək izləri gizlətməyə çalışıb. O, meyit parçalarını avtobusla daşıyaraq müxtəlif yerlərə atıb.

Üç həftə davam edən məhkəmə prosesi nəticəsində Majerkiewicz-in 34 il ağırlaşdırılmış ömürlük həbs cəzasına məhkum edildiyi bildirilib.

Məhkəmə müəyyən edib ki, Majerkieviç 60 min funt sterlinq kredit borcu və 14 min funt sterlinq kredit kartı borcu səbəbindən Everett-in pulunu ələ keçirmək məqsədilə bu cinayəti planlaşdırıb. Qətldən sonra xaricə qaçmağı planlaşdıran Majerkieviç, qurbanın telefonundan onun ailəsinə saxta mesajlar göndərib.

İki uşaq atası olan Majerkieviçin məşhur “13-cü Cümə” filmlərindəki qatil obrazı Ceysonun döyməsini bədənində daşıdığı və bu obrazla bağlı obsesiyası olduğu ortaya çıxıb.

Bəsti Rəfizadə