"ABŞ Ukraynaya yeni saziş təklif edib" - Zelenski

ABŞ Ukraynaya faydalı qazıntıların işlənməsi ilə bağlı yeni böyük saziş təklif edib.

Sfera.az TASS-a istinadən xəbər verir ki, bunu Ukrayna Prezidenti Volodimir Zelenski jurnalistlərlə görüşdə açıqlayıb.

"Yeni saziş barədə: bu, böyük, tamhəcmli sazişdir, əvvəlki addımlardan sonra ABŞ tərəfinin baxışıdır. Çərçivə sazişini xatırlayırsınız, ondan sonra tam saziş hazırlanır. İndi ABŞ tərəfi bizə böyük saziş təklif edir. Hələlik detallar məndə yoxdur, bunu araşdırmağı xahiş etdim, parlamentə ratifikasiya üçün göndərməzdən əvvəl baxacağıq", - deyə Zelenski bildirib.