İmamoğluna görə daha 3 şirkətin əmlakı müsadirə edildi
Türkiyədə İstanbul Böyükşəhər Bələdiyyəsində aparılan araşdırmalar çərçivəsində 3 şirkətin əmlakları müsadirə edilib.
Sfera.az Teleqraf-a istinadən xəbər verir ki, bu barədə Türkiyə KİV-də məlumat yayılıb.
Məlumata görə, əmlakı müsadirə edilən şirkətlər Furkan Remzi Ceylan və Əli Nuhoğluna məxsus "İSCON İnşaat", "Nuhoğlu İnşaat" və "Trend İnşaat"dır.
Xatırladaq ki, İstanbul Böyükşəhər Bələdiyyəsi sədri Əkrəm İmamoğluya qarşı iki ittiham irəli sürülüb. Biri meriyadakı korrupsiya, digəri terrora yardımdır. Onun korrupsiya işi ilə bağlı həbs edildiyi qeyd olunur. Bu arada, ittiham tərəfinin vəsatətində “silahlı terror təşkilatına yardım etmək”, “cinayətkar təşkilat yaratmaq”, “tender nəticələrini saxtalaşdırmaq” və “rüşvət alma” iddiaları yer alıb. Qeyd olunan ittihamlar üzrə Ə. İmamoğlu ilə yanaşı, daha 18 nəfər həbs edilib.
