Əkrəm İmamoğlu Ərdoğanı təhqir edənləri qınadı: "Ürəyim acıyır"

Hazırda həbsdə olan İstanbul Şəhər Bələdiyyəsinin sədri Əkrəm İmamoğlu Türkiyə Prezidenti Rəcəb Tayyib Ərdoğanın anasının təhqir olunmasını pisləyib.

Sfera.az Teleqraf-a istinadən xəbər verir ki, bu barədə onun sosial hesabındakı paylaşımında qeyd olunub.

"Siyasi tariximizin gördüyü ən böyük ədalətsizliklərdən biri ilə qarşı-qarşıyayam. Əlbəttə, hər bir qanuni yolu istifadə edərək mübarizə aparacağıq. Lakin bu çevrilişə belə, çörək kimi, su kimi, hava kimi müqəddəs bildiyim analarımıza təhqirlər yağdırılmasına ürəyim acıyır. Prezidentin anasına qarşı edilən təhqirləri qınayıram. Allahdan ona rəhmət diləyirəm. Həbsxanada olmamızı fürsət bilib, anamla, həyat yoldaşımla və ailəmlə bağlı əxlaqsız paylaşımlar edənlərə qarşı prokurorluğu dərhal işə çağırıram. Biz iqtidara gələndə, sizə etdiyiniz hər şeyi biz etməyəcəyik. Ədalət hər kəsin güvənc yeri olacaq, hüquq hər kəsin can və mal təhlükəsizliyini təmin edəcək, heç kəs kimininsə malına, mülkünə, şərəfinə, qüruruna, haysiyyətinə əl uzadamayacaq", - deyə paylaşımda bildirilib.