İmamoğluya görə saxlanılan müğənni azadlığa çıxdı

İstanbul Böyükşəhər Bələdiyyəsinə qarşı aparılan korrupsiya və terror əməliyyatı çərçivəsində saxlanılan məşhur türkiyəli sənətçi, müğənni Ərcan Saatçı hakimin qərarı ilə azadlığa çıxıb.

Sfera.az xəbər verir ki, bu barədə Türkiyə mətbuatı məlumat yayıb.

Məlumata görə, istintaq çərçivəsində saxlanılan Əhməd Palazoğlu və Əlixan Aydın da sərbəst buraxılıb.

Məlumata görə, 57 yaşlı Ərcan Saatçı İstanbul Böyükşəhər Bələdiyyəsinin konsertləri ilə bağlı səbəbə görə saxlanılmışdı.

Qeyd edək ki, İstanbul Böyükşəhər Bələdiyyəsinin sədri Əkrəm İmamoğlu və digər şübhəli şəxslər “cinayətkar təşkilata rəhbərlik”, “cinayətkar təşkilata üzvlük”, “korrupsiya”, “rüşvət alma”, “fırıldaqçılıq”, “qanunsuz olaraq şəxsi məlumatların əldə edilməsi”, “tenderi saxtalaşdırma” cinayətlərində və “PKK/KCK terror təşkilatına yardım” etməkdə şübhəli bilinirlər.