Türkiyədə məktəblər BAĞLANDI: fövqəladə tədbirlər...
Türkiyənin bəzi bölgələrində təsirli olan intensiv qar yağışı səbəbilə təhsil müəssisələrində dərs prosesinə fasilə verilib.
Sfera.az "TRT Haber"ə istinadən xəbər verir ki, Şırnak, Van, Hakkari, Bitlis və Ağrı kimi bölgələrdə güclü qar və çovğun həyat şəraitini çətinləşdirib. Şagirdlərin və müəllimlərin təhlükəsizliyi nəzərə alınaraq bəzi məktəblərdə 21 mart tarixinə planlaşdırılan dərslər təxirə salınıb.
Şırnakın Beytüşşebap və Uludərə rayonlarında, Vanın Başkale və Bahçesaray rayonlarında, Hakkarinin mərkəzində və Yüksekova rayonunda, Bitlisin Hizan və Tatvan rayonlarında, eləcə də Ağrının Doğubayazıt rayonunda təhsil fasiləsi elan edilib.
Müvafiq valiliklər tərəfindən verilən qərarlara əsasən, bəzi bölgələrdə dövlət qurumlarında çalışan hamilə qadınlara və xroniki xəstəliyi olan işçilərə də idari məzuniyyət verilib.
Qeyd edək ki, qar yağışı və yolların buz bağlaması səbəbilə bəzən kənd yolları da bağlanır və Fövqəladə Hallar Komandaları ərazilərdə yardım fəaliyyətlərini davam etdirir. /Musavat.com
