Bu yaxınlarda Çinin mərkəzindəki Zhongyuan Rayon Məhkəməsi boşanma zamanı ev işlərini gördüyünə görə qadına təqribən 35 min dollar təzminat təyin etmə qərarı çıxarıb. Maraqlıdır ki, bu məbləğ iddiaçının əvvəlcə iddia etdiyi məbləğdən beş dəfə çox olub.

Sfera.az bildirir ki, Çin məhkəməsinin qərarı qadının ev işləri üçün pul qazanması ilə bağlı mübahisələrə səbəb olub.

Keçən ilin sonlarında iş üzrə təqsirləndirilən şəxs boşanmaq üçün məhkəməyə müraciət edərək, qızının qəyyumluğunu, əmlakın ədalətli bölünməsini və ev işlərinə görə təzminat tələb edib.

Hu və Vanq 2011-ci ildə evləniblər və həmin il bir qızları olub. Bu müddət ərzində onlar arasında, xüsusən də uşağın təhsili ilə bağlı çoxsaylı mübahisələr yaranıb. Vəziyyət 2022-ci ilin oktyabrında növbəti qarşıdurmadan sonra Hunun evlərini tərk etdikdə gərginləşib. O vaxtdan bəri cütlük ayrı yaşamağa başlayıb.

Ötən ilin sonlarında qadın boşanmaq üçün məhkəməyə müraciət edərək, qızının qəyyumluğunu, əmlakın ədalətli bölünməsini və ev işləri üçün 50 min yuan təzminat tələb edib.

Ailəsinin qayğısına qalmaq üçün işini tərk edən Hu, qızını böyütmək və ev işlərinin çoxunu öz üzərinə götürdüyünü, ərinin isə bunda heç bir rol oynamadığını bildirərək tələbini əsaslandırıb.

Martın əvvəlində məhkəmə hökmünü elan edərək Hunun uşağa qəyyumluq verilməsi ilə bağlı vəsatətini təmin edib və Vanga qızı üçün aylıq dəstək ödəməyi əmr edib. Bununla belə, ən gözlənilməz qərar kompensasiyanın birdəfəlik ödənilməsi olub. İddiaçının tələb etdiyindən beş dəfə çox təzminat təyin edilib.

Hakim köməkçisi Fu Xia qərarı izah edərək:

"Ev işlərinin qeyri-maddi hesab edilməsi onun dəyərli olmadığı demək deyil. Ev işləri həyat yoldaşları arasında bölüşdürülməlidir" - deyə bildirib.

Qərar ev işlərini yerinə yetirmək, uşaqlara və yaşlı ailə üzvlərinə qulluq etmək kimi daha çox yükü daşıyan həyat yoldaşı üçün boşanma zamanı təzminat tələb etmək hüququnu təmin edən Çin Mülki Məcəlləsinə əsaslanır.

"Bu qayda ev işinin dəyərini təsdiq edir, ailə üzvlərini ev işlərində bərabər şəkildə iştirak etməyə təşviq edir və işin çox hissəsini görən tərəfə qarşı ayrı-seçkiliyi aradan qaldırır" - deyə Fu əlavə edib.

Rezonans doğuran hökm Çin sosial mediasında müzakirələrə səbəb olub və istifadəçilərin əksəriyyəti məhkəmənin qərarını dəstəkləyib.

Aysel

Boşanma zamanı ev işi üçün 6800 dollar tələb edib: Məhkəmə 5 dəfə çox təzminat verdi