Rusiyada helikopter qəzaya uğrayıb, ekipaj ölüb

Dünya
21:40 / 18.03.2025
2413
Rusiyanın Leninqrad vilayətində Mi-28 helikopteri qəzaya uğrayıb, ekipaj ölüb.
Sfera.az xəbər verir ki, bu barədə Rusiya Müdafiə Nazirliyi məlumat yayıb.
Quruma görə, hadisə yerinə axtarış-xilasetmə qrupu gəlib.
“18 mart 2025-ci il tarixində Leninqrad vilayəti ərazisi üzərindəki hava məkanında planlı təlim-məşq uçuşu zamanı Mi-28 helikopteri qəzaya uğrayıb. Hava gəmisi yaşayış məntəqələrindən uzaq, əhalinin olmadığı əraziyə düşüb. Ekipaj həlak olub”, – Müdafiə Nazirliyi bildirib.
Nazirlik qeyd edib ki, “uçuş döyüş sursatı olmadan həyata keçirilib”.
“Hadisə yerinə axtarış-xilasetmə qrupu gəlib. Qəza yerinə Hava-Kosmik Qüvvələrin komissiyası yola düşüb”, – Rusiya Müdafiə Nazirliyi vurğulayıb.