ABŞ İranın ən yeni kəşfiyyat gəmisini batırdı

Dünya
17:35 / 18.03.2025
5580
ABŞ Qırmızı dənizdə İranın ən yeni kəşfiyyat gəmisi olan "Zaqros"u batırıb.
Sfera.az Oxu.Az-a istinadən xəbər verir ki, bu barədə Səudiyyə Ərəbistanının "Al-Hadat" telekanalı məlumat verib.
İran hələlik bu məlumatı təsdiqləməyib.
Məlumata görə, "Zaqros" gəmisi cəmi iki ay əvvəl döyüş növbətçiliyinə başlayıb.
"Radioelektron kəşfiyyat gəmisi İran donanmasının dənizlərdə və okeanlarda gözətçi gözü olacaq", - deyə İran Hərbi Dəniz Qüvvələrinin komandanı Şahram İrani o zaman bildirmişdi.
Xatırladaq ki, martın 17-də ABŞ Prezidenti Donald Tramp İranın husilərin əməllərinə görə cavab verəcəyini demişdi.
"Husilərin atdığı hər bir atəş indi İran silahından atılan güllə kimi qiymətləndiriləcək. İran üçün nəticələri ağır olacaq", - deyə o qeyd edib.