G7-nin çağırışına Şimali Koreyadan cavab: “Nüvə gücümüz artırılacaq”
Şimali Koreya G7 ölkələrinin çağırışına əsəbi və sərt cavab verib.
Sfera.az "Hürriyet"ə istinadən xəbər verir ki, Şimali Koreya rəhbərliyi, G7 ölkələrindən gələn nüvə silahları proqramını dayandırmaq çağırışına sərt reaksiya verib.
Şimali Koreya Xarici İşlər Nazirliyindən verilən açıqlamada, ölkənin nüvə silahı qabiliyyətini gücləndirməyə davam edəcəyi və məsuliyyətli bir nüvə gücü olaraq həm özünün, həm də dünyanın sülh və təhlükəsizliyini qorumağa davam edəcəyi bildirilib.
G7 xarici işlər nazirlərinin Şimali Koreyaya nüvə silahları və ballistik raket proqramlarını dayandırmaq çağırışı edib. Şimali Koreya hesab edir ki, bu çağırış dövlətin suverenliyini təhdiddir. Şimali Koreya, G7 ölkələrinin nüvə hegemoniyası güdməsini və dünya sülhünü təhdid etdiyini iddia edib.
Bundan əlavə, Şimali Koreya öz nüvə silahlarının beynəlxalq təhdidlərə qarşı bir vasitə olduğunu və bu gücü bölgədəki və qlobal sabitliyi təmin etmək üçün istifadə edəcəyini bildirib.
Bəsti Rəfizadə
