ABŞ-də tornado nəticəsinə ölənlərin sayı 36-ya çatdı

ABŞ-nin bir neçə ştatını vuran qasırğa nəticəsində ölənlərin sayı 36-ya çatıb.

Sfera.az xəbər verir ki, məlumatı ABŞ prezidenti Donald Tramp Truth Social səhifəsində yayıb.

"Biz Cənub və Orta Qərbdə bir çox ştatları vuran şiddətli tornadoları və tufanları fəal şəkildə izləyirik - 36 günahsız insan həlak olub",-deyə məlumatda bildirilib.

Amerika KİV-lərinin məlumatına görə, təbii fəlakətin qurbanları Alabama, Arkanzas, Missuri, Kanzas, Missisipi, Oklahoma və Texas ştatlarının sakinləridir.

Tramp əlavə edib ki, dağıntıların nəticələrini aradan qaldırmaq və yerli hakimiyyət orqanlarına yardım göstərmək üçün Arkanzas ştatına ABŞ Milli Qvardiya bölmələri göndərilib.