İsrail Dəməşqi yenə vurdu

İsrail ordusu Fələstinin İslami Cihad Hərəkatının Dəməşqdəki komanda mərkəzini vurub.

Sfera.az xəbər verir ki, bu barədə İsrail ordusunun mətbuat xidməti məlumat yayıb.

“Bir müddət əvvəl İsrail hava qüvvələri kəşfiyyat məlumatlarına əsaslanaraq, Fələstinin İslami Cihad terror təşkilatına aid Dəməşqdəki terror komandanlıq mərkəzinə dəqiq hava zərbəsi endirib. Komanda mərkəzi İslami Cihadın İsrail dövlətinə qarşı terror fəaliyyətlərini planlaşdırmaq və istiqamətləndirmək üçün istifadə olunurdu”, - qeyd olunub.

Əlavə edilib ki, İsrail öz təhlükəsizliyini təmin etmək üçün Suriyaya qarşı qabaqlayıcı tədbirlər görməyə davam edəcək.