Sabah Kanadanın baş naziri and içəcək

Mark Karni martın 14-də Kanadanın yeni baş naziri kimi and içəcək.

Sfera.az xəbər verir ki, bu barədə CTV televiziyası məlumat yayıb.

Məlumata görə, mərasim saat 11:00-da Kanadanın general-qubernatoru Meri Saymonun iqamətgahında baş tutacaq. Karni ilə yanaşı, onun kabinetinin üzvləri də and içəcəklər, lakin onların kim olduğu hələ də bəlli deyil. Hazırkı baş nazir Castin Trüdo mərasimdən dərhal əvvəl istefa verəcək.

Qeyd edək ki, martın 9-da Kanadanın hakim Liberal Partiyası Kanada Bankının keçmiş rəhbəri Mark Karnini yeni lider seçib. O, hazırda oktyabrın 20-nə təyin edilmiş növbəti parlament seçkilərinə qədər baş nazir vəzifəsini icra edəcək. Karninin erkən seçki təyin edə bilməsi şansı var.

Xatırladaq ki, Trüdo 2015-ci ildən vəzifədədir.

Firuzə Əliyeva