“TikTok”da @your.beauty.dose ləqəbli kruiz şirkətinin əməkdaşının sərnişinlərdən gizlədilən az məlum faktlar haqqında danışdığı video internetdə populyarlıq qazanıb. Video artıq 8,3 milyon dəfə baxılıb.

Sfera.az bildirir ki, kruiz şirkəti əməkdaşının sözlərinə görə hər il insanlar dənizdə yoxa çıxır və onların taleyi naməlum olaraq qalır. Qadın kruiz şirkətlərinin belə hallara münasibət bildirməkdən çəkindiklərini bildirib.

Ən heyrətamiz açıqlamalar arasında kruiz gəmilərinin göyərtəsində gizli meyitxanaların olmasıdır. İşçinin sözlərinə görə, onlardan gözləniləndən daha tez-tez istifadə olunur. Əgər sərnişin dənizdə ölürsə, onun cəsədi növbəti limana qədər gəmidə qalır.

Ancaq daha kəskin detallar da var. Beləliklə, kruizlərdə konkret tanışlıq axtaran insanlara rast gəlmək olar. Qız "ananas nömrələri" adlanan sirri açıb. Belə ki, qapının üstündəki tərs çevrilmiş ananas əylənmək üçün başqa cütlük tapmaq istəyən həyat yoldaşları üçün gizli siqnaldır.

Gəmidə asayişi pozanların xüsusi gəmi həbsxanasında – limana çatana qədər qalacaqları kiçik otaqda qapalı qalmaqlarını açıqlaması daha təəccüblü olub.

Yemək məsələsinə gəlincə, işçi iddia edir ki, bir yeməyin qalıqları tez-tez başqa bir yeməyə çevrilir. Məsələn, bu gün verilən şorba dünənki qarnirdən hazırlana bilər.

Bundan əlavə, öz son videosunda kruiz şirkətinin əməkdaşı daha bir qorxunc təfərrüatı açıqlayıb: hər il sərnişinlər laynerlərdən müəmmalı şəkildə yoxa çıxırlar. Ancaq bu məlumat nadir hallarda ictimaiyyətə məlum olur.

Bu arada, kruiz sənayesi getdikcə daha dəbdəbəli təcrübələr təqdim edərək inkişaf etməyə davam edir. Bununla belə, bütün gəmilər ciddi sanitar normalara cavab vermir. “Business İnsider”ə görə, gəmi Xəstəliklərə Nəzarət və Qarşısının Alınması Mərkəzləri tərəfindən sanitar vəziyyət üçün yoxlanılan zaman 100 baldan 85-dən az bal toplayanda uğursuz qiymət sayılır.

Yoxlanılan 100-dən çox gəmidən orta bal 95,9 olub, 27 gəmi isə ən yüksək bal toplayıb. Bu məlumatlar artan populyarlıqlarına baxmayaraq, kruiz gəmilərində təhlükəsizlik və xidmət keyfiyyəti ilə bağlı narahatlıqları artırır.

Aysel

Sərnişinlər izsiz yoxa çıxır: “Arzu gəmisi”nin işçisi qaranlıq sirləri açdı