Qarnı ağrıyan 4 yaşlı uşağın bağırsağından görün nələr çıxdı - FOTO
Türkiyədə qarın ağrısı şikayəti ilə xəstəxanaya aparılan 4 yaşlı Rumeysa Altundağın mədə və bağırsaqlarından 24 ədəd oyuncaq maqnit çıxarılıb.
Sfera.az xəbər verir ki, əvvəlcə dövlət xəstəxanasına gətirilən uşaq daha sonra endoskopiya ilə müayinə olunub.
Əməliyyat nəticəsində maqnitlərin bağırsaqlarda perforasiyalara (deşiklərə) səbəb olduğu və uşağın bir neçə dəfə qarın ağrıları keçirdiyi müəyyən edilib. Həkim uşağın bu oyuncaqları təxminən bir il əvvəl udduğunu qeyd edib. Maqnitlərin zamanla paslanması və rənginin dəyişməsi, onların uzun müddət bağırsaqlarda qaldığını sübut edib.
Doktor Özkaya kiçik uşaqların bu cür maqnitli oyuncaqlardan uzaq tutulmasını, xüsusilə evlərində belə əşyaların olmamasını tövsiyə edib. Uşaqların bu tip kiçik oyuncaq maqnitləri udma qabiliyyətinin yüksək olduğunu bildirərək, ailələri xəbərdar edib. (Milli.Az)
