Makron rəsmiləri bir araya yığdı - Fransanın yeni planı nədir?

Makron rəsmiləri bir araya yığdı - Fransanın yeni planı nədir?

Parisdə Fransa Prezidenti Emmanuel Makron ilə bir sıra ölkələrin baş qərargah rəisləri arasında görüş baş tutub. Görüşdə Türkiyə və Böyük Britaniya da daxil olmaqla 30 ölkədən nümayəndə iştirak edib. Lakin ABŞ təmsilçisi toplantıya qatılmayıb. Makronun çıxışı əvvəlcə açıqlansa da, görüş bağlı qapılar arxasında baş tutub. Mənbə Fransa liderinin çıxış edib-etmədiyinə aydınlıq gətirməyib. 

 

Maraqlıdır, yeni hərbi-strateji ittifaqlar və əməliyyat planları nəzərdən keçirilir? 

 

Fransa bu cür toplantılar vasitəsilə Avropa təhlükəsizlik siyasətinin mərkəzinə keçmək istəyir?

 

Mövcud suallarla bağlı Sfera.az-a açıqlama verən Milli Məclisin deputatı Hikmət Babaoğlu Fransa Prezidenti Makronun Avropa İttifaqına üzv ölkələrin və Türkiyənin iştirakı ilə keçirilən Hərbi qərargah rəisləri toplantısında ABŞ-nin iştirak etməməsini bir tərəfdən Fransanın imkanlarının məhdudluğu, digər tərəfdən isə ABŞ-nin siyasətinə zidd mövqe sərgiləmək istəyi ilə bağlı olduğunu bildirib. 

 

Deputatın sözlərinə görə, həmçinin bu addım Fransanın avrosentrizmin təmsilçisi kimi özünü Avropanın yeni lideri kimi təqdim etməyə cəhd göstərməsi ilə də əlaqəlidir:  


“Ancaq toplantının cəmi 1 saat 20 dəqiqə davam etməsi göstərir ki, bu görüş sadəcə formal xarakter daşıyır və bu, Fransanın Avropada liderliyə iddiaları yolunda növbəti uğursuz mərhələdir. Çünki hazırda Böyük Britaniya və ABŞ-nin fərqli mövqeyi, eyni zamanda Almaniyanın hələ də qeyri-müəyyən və yeni mövqeyi Avropada yeni silahlı qüvvələrin formalaşmasını mümkünsüz edir və bu təşəbbüsə qarşı çıxır. Bu səbəbdən də Avropada yeni təhlükəsizlik arxitekturasının qurulması Makronun işi deyil. Əgər belə bir təhlükəsizlik arxitekturası qurulacaqsa, bu məsələ yalnız 2027-ci ildən sonra – Makron dövrü bitdikdə gündəmə gələ bilər. 

 

Hamıya məlumdur ki, Makron ciddi siyasətçidir, lakin Avropanın siyasi elitasını səfərbər edəcək qədər güclü lider deyil. Buna görə də onun atdığı bu növbəti addım sadəcə populist xarakter daşıyır və heç bir real nəticəyə gətirib çıxarmayacaq. Çünki Avropanın təhlükəsizlik məsələsi ciddi bir məsələdir və Böyük Britaniya ilə Almaniyasız bu sistemi qurmaq mümkün deyil”.

 

Fidan Hacızadə


OXŞAR XƏBƏRLƏR

Şahin Bağırova yeni müavin təyin olundu

Dövlət Gömrük Komitəsinin sədri Şahin Bağırova yeni müavin təyin edilib.   Sfera.az APA-ya istinadən xəbər verir ki, bu barədə Prezident İlham Əliyev...

Xidmət rəisinə hökm oxundu

Müdafiə Nazirliyinin tabeliyində olan müxtəlif hərbi hissələrdə maliyyə xidmət rəisi işləmiş Elvin Cəfərovun cinayət işi üzrə məhkəmə prosesi yekunlaşıb. &nb...

AMEA-da “İstiqlal marşı”nın qəbul olunmasının 104-cü ildönümü münasibətilə tədbir keçirilib - FOTO

Martın 12-də AMEA-nın Mərkəzi Elmi Kitabxanasında Türkiyə Cümhuriyyətinin və Şimali Kipr Türk Respublikasının Dövlət Himni “İstiqlal marşı”nın qəbul...

Bakıda sürücünü döyən şəxslər həbs edildi

Bakıda sürücünü döyüb, avtomobilə ziyan vuran şəxslər həbs edilib.   Sfera.az xəbər verir ki, paytaxtın Binəqədi rayonu Binəqədi qəsəbəsi ərazisində ...

Vnın ölüm şəkli yayımlandı- ŞOK GÖRÜNTÜ

Dünya çempionu, futbol tarixinin ən istedadlı oyunçularından biri Dieqo Armando Maradonanın ölümü ilə bağlı iddianı araşdıran məhkəmə işinə başlayıb.   ...

MN-dəki 2 milyonluq iş: vəzifəli şəxsə hökm oxundu

Dövlət Təhlükəsizliyi Xidmətində (DTX) başlanmış cinayət işi üzrə Müdafiə Nazirliyinin tabeliyində olan müxtəlif hərbi hissələrdə maliyyə xidməti rəisi işləmiş ...