Trampın məktubu İrana necə çatdırılacaq? Ərəb ölkəsindən xəbər gözlənilir

İran hakimiyyətinin ABŞ Prezidenti Donald Trampın danışıqlar təklifinə qəzəbli yanaşması davam edir.

Ölkənin xarici işlər naziri Abbas Arakçi Trampın müzakirə təklifi olan məktubunun Tahrana bir ərəb ölkəsi vasitəsilə çatdırılacağını açıqlayıb. İranın Prezidenti Məsud Pezeşkiyan isə Trampın İrana qarşı tətbiq etdiyi təzyiq siyasətinə sərt reaksiya verib.

Sfera.az "NTV"yə istinadən xəbər verir ki, Pezeşkiyan “Səninlə müzakirə etməyəcəyəm. Nə edirsənsə et” deyərək, müzakirə üçün şərtlərin Trump tərəfindən təyin edilməsi və sanksiyalar tətbiq olunmasının qəbul edilməz olduğunu vurğulayıb.

Pezeşkiyan “Biz danışmayacağımızı demədik. Amma Trump əvvəlcə bizə nə etməli olduğumuzu diktə edir, sonra sanksiyalar tətbiq edib “Gəlin müzakirə edək” deyir. İran prezidenti, “Əgər müzakirə etmək istəyirsənsə, niyə dürüst davranmırsan və insanların çörək və su yolunu bağlayırsan?” deyə sual verib və Tehranın məqsədinin müharibə və düşmənçilik olmadığını qeyd edib.

Bəsti Rəfizadə