"Ukrayna ayaqda qalmaya bilər” - Tramp
11:45 / 10.03.2025
4456
ABŞ Prezidenti Donald Tramp Ukrayna ilə bağlı verdiyi son açıqlaması ilə diqqət çəkib. O, bu həftə Səudiyyə Ərəbistanında başlayacaq sülh danışıqları öncəsi Ukraynanın gələcəyi ilə bağlı şübhələrini ifadə edib.
Sfera.az "Hürriyet.com.tr"yə istinadən xəbər verir ki, jurnalistlərdən biri Trampa Ukraynanın indki vəziyyəti ilə bağlı sual ünvanlayıb. Jurnalist hərbi yardımları və kəşfiyyat məlumatlarının paylaşılmasını dayandırdığına görə özünü rahat hiss edib-etmədiyini soruşub. Tramp bu suala “Ukrayna onsuz da ayaqda qalmaya bilər” şəklində cavab verib.
Onun bu sözləri beynəlxalq ictimaiyyət tərəfindən böyük maraqla qarşılanıb və Ukraynaya dəstək siyasətinin gələcək taleyi ilə bağlı müzakirələrə səbəb olub.
Bəsti Rəfizadə
