Bəzən həyat bizi ən gözlənilməz anlarda heç vaxt görüşmədiyimiz biri ilə bağlayır və qəlbimizdə silinməz izlər buraxır. İllərdir Türkiyədə iflic olan rus yeniyetməyə analıq etmiş Gülsüm Kabadayının ürəkağrıdan, eyni zamanda ümidverici hekayəsi buna misaldır. Sevginin, fədakarlığın və insanlığın sərhəd tanımadığını ortaya qoyan hekayə, bir qadının qarşılıqsız sevgisinin nələrə qadir olduğunu izah edən unudulmaz bir filmə çevrilməyə hazırlaşır.

Ğ bildirir ki, avtomobil qəzası nəticəsində iflic olan naməlum rus gəncə illərlə analıq edən Gülsüm Kabadayının təsirli hekayəsi kinoya uyğunlaşdırılır.

“Bi Umut” adlı film “NBU Gold A.Ş”nin 6 milyon dollarlıq sərmayəsi və “Digital Arts”ın birgə istehsalı ilə reallaşacaq.

Filmin ilk təqdimatı Rusiyanın paytaxtı Moskvada keçirilib.

“TASS” xəbər agentliyində keçirilən mətbuat konfransında Gülsüm Kabadayı ilə yanaşı, Türkiyənin Moskvadakı səfiri Tanju Bilgiç, prodüserlər Mustafa Uslu və Bulut Balkış, rejissor Gökhan Arı, filmin aktyorları Leon Kemstach və Anna Andrusenko iştirak ediblər. Tanınmış rusiyalı aparıcı Andrey Malaxov və dövlət xadimi Ramin Qasımovun da qatıldığı tədbirdə Gülsüm Kabadayıya Rusiya mətbuatı böyük maraq göstərib.

Görüşdə duyğularını bölüşən Gülsüm Kabadayı illərdir qayğısına qaldığı “Umut” adını verdiyi gəncə həsrət qaldığını dilə gətirib:

“Onun sağalacağına və bir gün birlikdə Rusiyaya qayıdacağına inanırdım. Təəssüf ki, bu arzum gerçəkləşmədi. Amma bilirəm ki, Ümid hələ də bizimlədir. Onun hekayəsinin bütün dünyaya danışılması mənim üçün təsvirolunmaz hissdir”.

Çəkilişlər aprelin 7-də Antalyada başlayacaq, daha sonra Rusiyada davam edəcək.

Qeyd edək ki, filmdə Gülsüm Kabadayı obrazını Ayça Damğacı canlandıracaq, digər türk aktyorları isə İstanbulda təşkil olunacaq mətbuat konfransında açıqlanacaq.

Aynil

Kimliyi məlum olmayan iflic rus gəncinə analıq edən türk qadın haqqında film çəkilir - FOTO