Maltanın may ayında İsveçrədə keçiriləcək 2025 Avroviziya Mahnı Müsabiqəsində iştirakına qadağa qoyulub.

Sfera.az bildirir ki, Maltanı “Eurovision 2025”də Miriana Konte təmsil edəcək.

Miriana Kontenin Maltadan Bazelə getməsi planlaşdırılır. Ancaq iştirakçı bir seçim qarşısındadır: bütün kompozisiyanı və ya bir sözü dəyişdirmək.

Mariana Kontenin bəstəsi senzuradan keçməyib. Mahnıda “kant” sözü var. Malta dilində "oxumaq" kimi tərcümə olunur, lakin ingilis dilində söyüş sözü olan "c*nt" jarqonuna bənzəyir.

“Eurofans”ın şikayətlərindən sonra Avropa Yayım Birliyi (EBU) araşdırmaya başlayıb və bundan sonra “Eurovision” təşkilat komitəsi Konteyə mahnını Bazeldə bu formada ifa etməyi qadağan edib. Ona görə də Malta təmsilçisi ya “kant” sözünü başqası ilə əvəz etməli, ya da başqa mahnı seçməli olacaq.

Miriana Konte artıq birliyin qərarına cavab verib. Müğənni hazırda mahnıya rəsmi klip çəkdirdiyini, belə xəbərdən çox məyus olduğunu və bəstənin təqdim olunmasına bir həftə qaldığını bildirib. Bununla belə, sənətçi hələ də İsveçrədə keçiriləcək “Eurovision 2025”ə getməyə qərarlıdır. Onun hansı yolu tutacağı hələ də bəlli deyil.

"Mən həm şoka düşdüm, həm də məyus oldum, xüsusən mahnının təqdim olunmasına bir həftədən az vaxt qaldığını nəzərə alsaq, sizə söz verirəm: şou davam edəcək"-deyə Konte açıqlama verib.

Bu arada bukmeker kontorları Maltaya 14-cü yeri verir. İsveç isə hazırda mərc reytinqinə başçılıq edir.

Sözügedən mahnını təqdim edirik:

“Eurovision 2025”də növbəti qalmaqal: Maltanın mahnısı senzuradan keçə bilmədi