Kanada məşhur ABŞ içkisinin adını dəyişdi - Səssiz ETİRAZ

ABŞ Prezidenti Donald Trampın Kanada mallarına tətbiq etdiyi gömrük vergiləri və ölkənin “51-ci əyalət” olmasına dair çağırışları sonrası Kanadada başlayan etirazlar daha sükutlu bir aksiya formasına çevrilib.

Sfera.az “CNN Türk” saytına istinadən xəbər verir ki, Kanadada bəzi kafe və iş yerləri, Americano adlı içkinin adını “Canadiano” olaraq dəyişdirərək ABŞ məhsullarına qarşı boykot başladıb. 

Xatırladaq ki,  ABŞ Prezidenti Donald Tramp Kanada, Çin və Meksikadan idxal edilən mallara gömrük rüsumlarının tətbiq edilməsi haqqında fərman imzalayıb.

Fərmana əsasən Kanada və Meksikadan idxal olunan mallara 25%, Çindən gətirilən mallara isə 10% rüsum tətbiq edilir. Digər tərəfdən benzin və soba yanacağının qiymətlərində artım ehtimalını minimuma endirmək üçün Kanadadan enerji idxalına tariflər 10 faiz azaldılıb.

Donald Tramp qeyri-qanuni mühacirlərin və narkotiklərin yaratdığı ciddi təhlükə səbəbindən Kanada, Çin və Meksikadan gələn mallara rüsum tətbiq etmək qərarına gəldiyini bildirib.

Fidan Hacızadə