İtaliya Estoniya təmsilçisinin “Eurovision 2025”dən kənarlaşdırılmasını tələb edir
İtaliya Estoniya təmsilçisi TOMMY CASH-ın “Eurovision 2025”dən diskvalifikasiya edilməsini tələb edir.
Sfera.az bildirir ki, TOMMY CASH Bazeldə “Espresso Macchiato” mahnısını təqdim edəcək. Lakin İtaliya xalqı onun bu ideyasını bəyənməyib. Belə ki, italyanlar “Espresso Macchiato” mahnısında öz millətlərinin stereotipik təsvirindən inciyiblər.
İtaliyanın “Codacons” istehlakçı assosiasiyası Avropa Yayım Birliyinə müraciət edərək “ölkəni və bütün xalqı təhqir edən” bir bəstənin müsabiqədə iştirakına icazə verilməsinin məqsədəuyğun olub-olmamasına diqqət çəkib.
Mahnın nəqarətində: "Mafioz kimi tərlə, həyat isə spagetti kimidir - onu bişirənə qədər çətindir" - deyilir. TOMMY CASH öz trekini qırıq ingilis və italyan dillərində ifa edir.
Bundan əlavə, italyanlar kompozisiyada mafiyadan və dəbdəbənin nümayişindən bəhs edildiyini iddia edirlər.
Bu arada TOMMY CASH italyanları incitmək niyyətində olmadığını qeyd edib. Müğənni əlavə edib ki, İtaliyaya hörmət edir, italyan mətbəxini, dizaynını və qəhvəsini sevir, ona görə də mahnının tənqidə səbəb ola biləcəyini düşünməyib.
"Mən bu mahnıya çox inanıram. Bunda sehrli bir şey var. Komandamdan heç kim onun çıxmasını istəmədi, çünki o, əvvəlki mahnılarımdan çox fərqli idi, amma mən onu nənəmə ifa edəndə o, ağlamağa başladı. Elə o zaman anladım ki, bu mahnıda xüsusi bir şey var" - deyə estoniyalı ifaçı tənqidlərə cavab verib.
TOMMY CASH haqqında
Tomas Tammemets 1991-ci ildə Tallinndə anadan olub. Sənətçi rus qrupları ilə mahnılar yazdırıb. Onun “Eurovision 2025” mahnısını isə rusiyalı Alina Pyazok səhnələşdirir.
Bu arada bukmeker kontorları İsveçrənin Bazel şəhərində keçiriləcək “Eurovision 2025”də İsveçin qalib gələ biləcəyinə inanırlar.
Qalmaqala səbəb olan mahnını sizə təqdim edirik:
