Bu şəxslərə hicab qadağan olundu
Fransada Dövlət Şurası vəkillərə olan hicab qadağasını təsdiqləyib.
Sfera.az xəbər verir ki, bu barədə yerli mətbuat məlumat yayıb.
Bildirilib ki, Dövlət Şurası Fransa Milli Vəkillər Kollegiyasının vəkillər üçün müxtəlif simvolların, o cümlədən hicabın qadağan edilməsi təklifini qəbul etməsinə edilən etirazları dəyərləndirib.
Şura etirazla bağlı qərarında vəkillik peşəsi ilə məşğul olanların vahid forma geymələrini tələb edərək fərqli simvollar taxmalarına olan qadağanı təsdiqləyib.
Şura həmçinin bütün vəkillərin geyim formasının onların müştərilərinin maraqlarını müdafiə etməkdən başqa hər hansı şəxsi üstünlükləri əks etdirməsinin qarşısını aldığını bildirib.
Son olaraq bunun “ədalətli məhkəmə araşdırması hüququ üçün zəruri şərt” olduğu qənaətinə gəlinib. publika.az
