İki saatda 40 dollar qazanır: Vizajist görüşə tələsən qızlara metroda makiyaj edir - FOTO

Deng Qiqi adlı çinli qadın Chongqing şəhərindəki sıx Shapingba metro stansiyasında qeyri-adi biznesini açıb. Belə ki, o, görüşə gedən müştərilərə sürətli makiyaj xidmətləri təklif edir.

Sfera.az bildirir ki, maraqlı bir ilkə imza atan gənc vizajist axşamlar metroda bir saat yarım-iki saat işləyir. O, mühüm görüşü olan qızlara və qadınlara görünüşlərini qoruyub saxlamağa kömək edir.

Onun köşkü adətən axşam saat 17:00-da açılır və səhər 7:30-da bağlanır. Böyük bir gözəllik salonuna sahib olan 28 yaşlı vizajist həftəsonu sıxlığından qaçmaq üçün iş günləri metroda işləyir.

Bir saat yarımdan iki saata 300 yuan qazanır, bu da təxminən 40 ABŞ dollarıdır. Metroda köşklərdə ticarət üçün ödəniş səhər və ya günortadan sonra gur saatlarda 30 yuan (4 ABŞ dolları) və ya bütün gün üçün 80 yuan (11 ABŞ dolları) təşkil edir.

O, gün ərzində işdən sonra şənliklərə və ya görüşlərə gedən üç-dörd qadına gözəllik prosedurları edir.

Dan deyir: “Bəzi qadınlar işdə makiyaj edir, lakin gün ərzində makiyaj pozulur, ona görə də onu yenidən tətbiq etməlidirlər”.

10 illik təcrübəyə malik olan vizajist, müştərilərinə metroda yalnız gündəlik ehtiyacları üçün sadə makiyaj etdiyini, tələbləri yüksək olanları isə salona dəvət etdiyini bildirir.

Aynil