“Kosmos Gəmisinə" mindikdən sonra yoxa çıxdı - FOTO
1980-ci ilin noyabrında Kanadalı həvəskar Qrancer Teylor müəmmalı şəraitdə yoxa çıxıb. İtkin düşməmişdən əvvəl o, yadplanetlilərlə ulduzlararası səyahətə çıxdığını iddia edən bir qeyd yazıb.
Sfera.az bildirir ki, Qrancer Teylorun yoxa çıxması sirr və fərziyyə ilə örtülmüş Kanadanın ən sirli hekayələrindən biri olaraq qalır.
Teylor yoxa çıxmazdan bir neçə ay əvvəl ulduzlararası səyahət ilə maraqlanıb. O, zibilxanada tapılan hissələrdən istifadə edərək kosmik gəminin real ölçülü surətini düzəldib.
Britaniya Kolumbiyası, Dunkan şəhərinin 32 yaşlı sakini Qrencer Teylor mürəkkəb mexanizmlərin təmiri üzrə müstəsna istedadı ilə tanınırdı. Məktəbi atmasına baxmayaraq, dühası ona ümidsiz görünən cihazları belə təmir etməyə imkan verib. Bununla belə, Teylor təkcə texniki qabiliyyətləri ilə deyil, həm də qeyri-adi inancları ilə seçilirdi – o, yerdən kənar sivilizasiyalarla təmasda olduğunu iddia edirdi.
Bacısı isə həmin Teylorun müntəzəm olaraq LSD qəbul etməyə başladığını iddia edir və bunun onun reallıq qavrayışına təsir göstərmiş ola biləcəyini istisna etmir.
İtkin düşən gecə Teylor valideynlərinə vida məktubu qoyub. Orada o, yadplanetlilərin gəmisində 42 aylıq səyahətə çıxacağını, bundan sonra geri dönəcəyini açıqlayıb. O, həmçinin bütün əmlakını ailəsinə buraxaraq vəsiyyətnamədə göstərilən göstərişlərə əməl etmələrini xahiş edib.
Yalnız altı ildən sonra onun taleyinə işıq sala biləcək dəlillər ortaya çıxıb. 1986-cı ildə meşə təsərrüfatı işçiləri Teylor ailəsinin ferması yaxınlığında partlayış yerini aşkar ediblər. Dağıntılar arasında Teylora məxsus dağılmış Datsun pikap maşını, həmçinin sümük parçaları və ona aid olduğu güman edilən paltar parçası da olub. Polis Teylorun yük maşını ilə daşıdığı dinamitin partlaması nəticəsində öldüyü qənaətinə gəlib.
Bununla belə, onun ölümünün qəza, yoxsa qəsdən törədilmiş bir hərəkət olduğu sirr olaraq qalır. Bəziləri onun yadplanetlilərə və narkotiklərə məftun olmasının psixi pozğunluğa səbəb olduğuna inanır, bəziləri isə Teylorun həqiqətən naməlum səyahətə getdiyinə əmindir.
Aysel
