5 illik münasibətdən sonra sevdiyi kişinin həqiqətən kim olduğunu öyrəndi
Böyük Britaniyadan olan Alison Smith təsadüfən ondan casusluq üçün istifadə edən gizli polis məmuru ilə beş illik münasibətdə olduğunu öyrənib. Kişi özünü Mark Kessidi kimi təqdim edib və dülgər işlədiyini deyib, lakin bunun yalan olduğu ortaya çıxıb.
Sfera.az bildirir ki, Alison Smith dəfələrlə sevgilisinin hekayələrində və davranışlarında qəribəliklər görüb, lakin onun yalan danışdığından şübhələnməyib.
Kessidi və Smith 1990-cı illərdə dost olub, sonra münasibət quraraq birlikdə yaşamağa başlayıblar.
Bir gün britaniyalı qadın sevgilisinin gödəkçəsinin cibində müəyyən M.Cennerin adına kredit kartı tapıb. Kişi bunu çayxanada tanımadığı bir şəxsdən zarafat kimi aldığını izah edib. Alison həmçinin kişinin gələcək övladlarını müzakirə etməkdən daim çəkindiyini şübhəli hesab edib.
O vaxt buna necə reaksiya verəcəyini bilməyən qadın: "O, hətta bir dəfə dedi ki, əgər ayrılsaq, keçmiş sevgilimə qayıdacağam"-deyə xatırlayır.
2000-ci ilin aprelində Kessidi qəfildən Smitdən ayrılıb və onun üçün bir qeyd qoyub qaçıb: "Biz fərqli şeylər istəyirik. Mən bununla bacara bilmirəm".
Əsəbiləşən Alison nəyin bahasına olursa olsun sevgilisini geri qaytarmağa çalışıb və tərcümeyi-halı haqqında məlumat axtarmağa başlayıb. Sonra anlayıb ki, kişi bütün bu müddət ərzində ona yalan danışıb. Onun əsl adı Mark Cenner olub. O, Smitin iştirak etdiyi etiraz qrupları ilə məşğul olan şöbədə işləyib; evli və uşaqları olub.
İngilis qadın digər aldadılan qadınlarla birlikdə məhkəmədən polis casusunun cəzalandırılmasını tələb etsə də, onun iddiaları rədd edilməkdə davam edir.
Aynil
